БИЮ КИЧЕ
15 СЕНТЯБРЬ 19:00
татар халык биюенә яңача караш булдырырга тырышып карыйк

1 сәгать 10 минут (антракт белән), 16+
Tilda Publishing
БИЮ КИЧЕ
15 СЕНТЯБРЬ 19:00
татар халык биюенә яңача караш булдырырга тырышып карыйк

1 сәгать 10 минут (антракт белән), 16+
КИЧ — нинди дә булса шәхескә, аерым бер темага багышланган перфоманслы кичләр сериясе.
Сәйдә Минубаева перфомансы
Узган сезон ахырында без Йолдыз Миңнуллина шигъриятен тыңладык. Яңа сезонны исә бию киче белән башлап җибәрәбез; татар халык биюенә яңача караш булдырырга тырышып карыйк.
Сколько?
СӘЙДӘ МИНУБАЕВА ПЕРФОМАНСЫ

Вакыт һәм кеше кыйммәте турында уйлану, милли тәңгәллек мәсьәләсенә бер караш. Нинди шартларда мин үз-үземне татар кызы дип атарга хаклымын? Кайсы мизгелдә мин субъекттан объектка - тамашачы көткәнне канәгатьләндерергә тиеш булган артистка әвереләм?

БИЮЧЕ — Сәйдә Минубаева
Сколько?
СӘЙДӘ МИНУБАЕВА ПЕРФОМАНСЫ

Вакыт һәм кеше кыйммәте турында уйлану, милли тәңгәллек мәсьәләсенә бер караш. Нинди шартларда мин үз-үземне татар кызы дип атарга хаклымын? Кайсы мизгелдә мин субъекттан объектка - тамашачы көткәнне канәгатьләндерергә тиеш булган артистка әвереләм?

БИЮЧЕ — Сәйдә Минубаева
Ярмәк
ГӨЛСИНӘ ГАЛИМУЛЛИНА ПЕРФОМАНСЫ

«Ярмәк» перфомансына нигез итеп Самара өлкәсе Ярмәк авылында яшәүчеләр биюе алынган. Риваятьләргә караганда, Ярмәктә бию патша заманнарында ук егетләрне хәрби хезмәткә озату йоласы буларак барлыкка килгән. Ир-атлар яшь егетләрнең аякларына камчы белән суккан, егетләр исә камчы үзләренә төшмәсен өчен җитез хәрәкәт итеп, чыбыркы очын табан асты белән тотарга тырышканнар. Вакытлар узу белән үзенә күрә бер сынау булган бу йола биюгә әйләнгән; аның үзенчәлекле ритмы һәм көе барлыкка килгән. Бүгенге көндә аны бар Ярмәк халкы - ир-аты, хатын-кызы, өлкәннәре-яшьләре бии.

Тарих белән илһамланган проект катнашучылары биюгә яңа ритмнар, үзләренең тормыш тәҗрибәсен һәм уй-фикерләрен өстәп, Ярмәк биюе темасына эксперимент уздырып карарга хәл итте.

Авторлар милләткә милли биюне кайтарырга, тар кысалардан азат ителгән, кешенең чын халәте һәм аның әйләнә-тирәлегеннән туа торган үзгә татар биюен күрсәтергә омтыла.

БИЮЧЕЛӘР: Сәйдә Минубаева, Гөлсинә Галимуллина, Владислав Уткин, Рамазан Җамалетдинов

МУЗЫКАНТЛАР: баянчы Рөстәм Рафигуллин, гитарист, мультиинструменталист Айдар Абдрахимов
мәйданчык һәм билетлар
Спектакль кайда үтә?
Яңа Милли китапханә бинасының икенче катындагы театр мәйданчыгында (бләк бокс). Адресыбыз: Пушкин ур., 86.
Икенче катка менгәч, уңга борылыгыз һәм безнең көмешсыман ишекләрне күрерсез.
“MOÑ театр мәйданчыгы” күрсәткечләре буенча юнәлеш алыгыз.

Сезгә тикле җәмәгать транспортында ничек барып җитәргә?
Безгә иң якын тукталышлар – Гоголь тукталышы (Карл Маркс урамы буенча) һәм Ирек мәйданы.
Җәмәгать транспорты тукталышыннан сезгә 10-15 минут барырга кирәк булачак.

Үз машинамда булсам, аны кая куеп калдырырга була?
Машинагызны китапханәдән бер-ике квартал ераклыгында куеп калдыра аласыз.
Иң якын паркиң – Жуковский урамында (зона #152) һәм Малая Красная урамы, 10 (зона #136).

Сездә җиһазландырылган уңайлы мохит бармы?
Әйе. Китапханә бинасы пандус һәм лифт белән җиһазландырылган. Кирәк булса дип администратор телефонын калдырабыз +7 919 690-22-88.

Буфетыгыз бармы?
Китапханә бинасында кәһвәханә эшли. Анда спектакльдән соң дуслар белән очрашып, күргәннәр турында рәхәтләнеп әңгәмә корып утырып була.

Мин билетны онлайн сатып алдым. Аны чыгартырга кирәкме?
Мәҗбүри түгел. Электрон версиясен генә күрсәтсәгез дә була.

Билетларны тамаша көнендә алып буламы?
Тамаша көнендә билетлар әле калган булса, аларны Китапханәнең офлайн кассасында сатып алып була. Зинһар, +7 919 690-22-88 номерын җыеп, барлык-юклыкларын белешегез.

Соңга калам. Нишлим икән?
Вакытыгызны алдан чамалап, соңармыйча килүегезне үтенеп сорыйбыз. Зинһар, билетта күрсәтелгән вакыттан 10 минут алдан булса да килегез. Иртәрәк килсәгез, тагын да әйбәтрәк – Китапханәдә вакытыгызны үткәрергә һичшиксез эш табылыр.
Кызганыч, спектакль башлангач, керү мөмкин түгел.
Соңга калсагыз, билетларыгызны кире кайтара яисә алмаштыра алмаячаксыз.

Билетымны кире тапшыра аламмы?
Әлбәттә. Әгәр билетны онлайн алган булсагыз, кире кайтаруны эшләп була, аның өчен email’ыгызга килгән электрон билеттагы төймәгә басарга кирәк.
Кассада алынган билетларны кире кайтару өчен, зинһар, администраторыбызга шалтратыгыз +7 919 690-22-88.
Tilda Publishing
Tilda Publishing