Кичебез бар Татарстанга таныш чабата биюенә багышлана. Аның үзенчәлеге — ритмында: дүрттән ике түгел, ә дүрттән өч! Фильм карарбыз, бию перформансын татырбыз, үзебез дә чабата биергә өйрәнербез.

Бар хәрәкәт фильмнан башланачак. Иҗади төркем чабата аеруча популяр булган авылларның берсенә — Балтач районы Түбән Сасна авылына юл тотты. Татарстан Республикасы җыр һәм бию ансамбле балетмейстеры да чабатаны беренче тапкыр нәкъ менә Түбән Саснада күреп ала, сәхнәгә күтәрә, киң җәмәгатьчелеккә таныттыра.