ХИТ-СПЕКТАКЛЬ
Социаль челтәрләр, фриланс һәм дәйтиң сервислар чорында без ничек (һәм нигә) сөйгән ярыбызны эзләвебез турындагы спектакль. Радмила Хакова китабына нигезләнгән.

КЛОУН ТУРЫНДАГЫ ГАИЛӘ СПЕКТАКЛЬ
Сәйях клоун турында күңелле һәм дулкынландыргыч спектакль. Каһарман тамашачылар белән аралашып кына калмыйча, тамашада катнашырга да чакыра. Тарих балаларга да, өлкәнрәк тамашачыга да җылы һәм тылсымлы хисләр бүләк итәчәк.

ИКЕ АКТРИСАНЫҢ СӘХНӘ ҺӘМ ТОРМЫШ ТУРЫНДА СӨЙЛӘШҮЕ
Ләйсән Рәхимова белән Елена Калаганова битлекләрен читкә куеп, актерлык профессиясе турында көлкеле, якты һәм чын ихластан сөйли.

ШИГЪРИ РЕАЛИЗМ
Режиссер Надя Кубайлат MOÑда билгесезлек каршында югалып калу һәм бәйләнешләр өзелү турындагы абсурдик пьесаның үз версиясен тәкъдим итәчәк. Спектакль Польша авангардының классик вәкиле Тадеуш Ружевичның шундый ук исемле әсәре буенча иҗат ителде.

РУС-ТАТАР СИТКОМЫ
Мәдәниятләр әңгәмәсе турындагы рус-татар ситкомы жанрында куелган спектакль. Төп геройлар — музыкантлар, ә ахырда сезне чын концерт көтәчәк. «Су буенда учак яна»ның сүзләрен искә төшереп, геройларга кушылып җырларга әзерме сез?

ГАИЛӘ ӨЧЕН СПЕКТАКЛЬ
Григорий Остер хикәяләре буенча сәхнәләштерелгән бөтен гаилә өчен спектакль. Монда олылар — үзләрен балалар кебек, балалар — олылар кебек тота. Шуңа күрә һәркемгә дә үзен читтән карарга кызык булыр.

КЕШЕЛӘР ҺӘМ КИТАПЛАР ТУРЫНДА ФӘНА-СПЕКТАКЛЬ
Тормышыбызда китаплар тоткан урын турында уйлану. Яраткан китабыбызның беренче һәм соңгы юлларын хәтерлибезме? Бөтенләй укымый яки аудиокитаплар гына тыңлый башласак, ни үзгәрер? «Война и мир»ны укыганда күпме калория сарыф ителә?

ПЛАСТИК ПЕРФОРМАНС
Тел турында пластик мәсәл. Без югалткан «кемлек»не кире кайтарырга омтылу. Нурбәк Батулланың «Алтын битлек» премиясенә лаек булган иҗат җимеше.

КАБУЛ ИТҮГӘ ЮНӘЛДЕРЕЛГӘН СПЕКТАКЛЬ
Тән пластикасына корылган әлеге спектакль тамашачыны үз-үзен һәм башка кешеләрне уникаль шәхесләр итеп кабул итүгә өйрәтәчәк.

ӘДИЛӘ ХӘЙБУЛЛИНА БЕЛӘН КИНО КАРАУ ҺӘМ ӘҢГӘМӘ
Кыргыз режиссерының кинодебюты. Авылда яшәүче өлкән яшьтәге баласыз парның йорты янында билгесезләр алты айлык сабый калдырып китә. Картлар аны үзләренә калдырырга була. Бала карау мәшәкатьләре сүрелеп беткән тормыш утын яңадан кабызып җибәрә.

БИЮ ДОКУМЕНТАЛЬ СПЕКТАКЛЬ
Беренче заттан, ихлас итеп, бернәрсәне дә яшермичә сөйләнелгән тарих. Җәмгыять тарафыннан стигматизацияләү, дуслар ярдәме, үз-үзең һәм башкалар турындагы ачыктан-ачык әңгәмә.