«дәрдемәнд»

спектакль-импровизация
туфан имаметдинов/ марсель нуриев

18+

50 минут

«дәрдемәнд»
туфан имаметдинов |
марсель нуриев| 50 минут | 18+
Error get alias
Шагыйрь Закир Рәмиев (Дәрдемәнд) татар мәдәниятендә аерым урын алып тора. Аны рифма да, шигырьнең гүзәллеге дә, әсәрнең моңлы-көйле булуы да кызыксындырмаган, ә әсәрдәге фикернең тулылыгы, күпкатлылык һәм статика.
Ул татар шигъриятен яңартырга гына түгел, татар мәдәниятының, халкының яңа стратегиясен булдырырга теләгән. Аңа алга китеш кирәк булган. Күпмедер дәрәҗәдә ул аңа ирешкән дә, тик киләсе буын аны күтәреп җибәрмәгән.

Музыкаль кораллардан спектакльдә классик трио импровизация ясый: скрипка, альт, контрабас. Дәрдемәнднең шигьрияте гүзәллеге, тирәнлеге сирәк очрый торган киң диапазонлы тавышка (контртенор) ия җырчы Рөстәм Яваев җырлавы аша биреләчәк.

Биюче Нурбәк Батулла Дәрдемәнд шигъриятенең төзелеше мохитенә кереп, аңа тәңгәл килердәй хәрәктәтләр иҗат итәр. Музыка мохитендәге иҗади эзләнүләр композитор Эльмир Низамов, ә бию хәрәкәтләре хореограф Марсель Нуриевнең иҗат җимеше булыр.
Бу тамашабыз белән без шагыйрьнең иҗатын тулысы белән кайтарырга гына түгел, аның татар сәнгатенә яңача карашын дәвам итәргә, озын гомерле итәргә телибез
Туфан Имаметдинов
режиссер
Фото — Рамис Назмиев
спектакль командасы
Импровизация кураторы – Туфан Имаметдинов
Биюче – Нурбәк Батулла
Вокал – Рөстәм Яваев
Композитор – Эльмир Низамов
Хореограф – Марсель Нуриев
Музыка — «Злачное место» ансамбле (кыллы трио, Казан)
ММЧ
Массакүләм мәгълүмат чараларында комментлар, мәгълүмати партнерлык, махсус проектлар, интервьюлар сораулары буенча:
Зоя Антонова, zoe.ruter.a@gmail.com, +7 903 340 58 15
мәйданчык һәм билетлар
Спектакль кайда үтә?
Яңа Милли китапханә бинасының икенче катындагы театр мәйданчыгында (бләк бокс). Адресыбыз: Пушкин ур., 86.
Икенче катка менгәч, уңга борылыгыз һәм безнең көмешсыман ишекләрне күрерсез.
“MOÑ театр мәйданчыгы” күрсәткечләре буенча юнәлеш алыгыз.

Сезгә тикле җәмәгать транспортында ничек барып җитәргә?
Безгә иң якын тукталышлар – Гоголь тукталышы (Карл Маркс урамы буенча) һәм Ирек мәйданы.
Җәмәгать транспорты тукталышыннан сезгә 10-15 минут барырга кирәк булачак.

Үз машинамда булсам, аны кая куеп калдырырга була?
Машинагызны китапханәдән бер-ике квартал ераклыгында куеп калдыра аласыз.
Иң якын паркиң – Жуковский урамында (зона #152) һәм Малая Красная урамы, 10 (зона #136).

Сездә җиһазландырылган уңайлы мохит бармы?
Әйе. Китапханә бинасы пандус һәм лифт белән җиһазландырылган. Кирәк булса дип администратор телефонын калдырабыз +7 917 245 44 87.

Буфетыгыз бармы?
Китапханә бинасында кәһвәханә эшли. Анда спектакльдән соң дуслар белән очрашып, күргәннәр турында рәхәтләнеп әңгәмә корып утырып була.

Мин билетны онлайн сатып алдым. Аны чыгартырга кирәкме?
Мәҗбүри түгел. Электрон версиясен генә күрсәтсәгез дә була.

Билетларны тамаша көнендә алып буламы?
Тамаша көнендә билетлар әле калган булса, аларны Китапханәнең офлайн кассасында сатып алып була. Зинһар, +7 917 245 44 87 номерын җыеп, барлык-юклыкларын белешегез.

Соңга калам. Нишлим икән?
Вакытыгызны алдан чамалап, соңармыйча килүегезне үтенеп сорыйбыз. Зинһар, билетта күрсәтелгән вакыттан 10 минут алдан булса да килегез. Иртәрәк килсәгез, тагын да әйбәтрәк – Китапханәдә вакытыгызны үткәрергә һичшиксез эш табылыр.
Кызганыч, спектакль башлангач, керү мөмкин түгел.
Соңга калсагыз, билетларыгызны кире кайтара яисә алмаштыра алмаячаксыз.

Билетымны кире тапшыра аламмы?
Әлбәттә. Әгәр билетны онлайн алган булсагыз, кире кайтаруны эшләп була, аның өчен email’ыгызга килгән электрон билеттагы төймәгә басарга кирәк.
Кассада алынган билетларны кире кайтару өчен, зинһар, администраторыбызга шалтратыгыз +7 917 245 44 87.
Tilda Publishing
хатлар таратуыбызга язылыгыз
e-mail
исемегез
Tilda Publishing
Tilda Publishing