сәнгатьнең яңа формалары барлыкка килү белән милли сәнгать юкка чыга аламы? кайсы очракта дәвамчанлык сакланган санала, аның шарты нинди?
кемнең милли әсәр иҗат итәргә хакы бар? үз мәдәнияте аша рәссам нинди темаларга мөрәҗәгать итә ала? үз булмаган мәдәният ул ятмы, әллә үзгәме?
без бер генә нәрсәне төгәл беләбез: сәнгать ул – хәзер үк кулланып була торган үзгәреш чараларының берсе. шушы проектны оештырып, без бүгенге көндә шулкадәр дә тансык яңа төр җаваплар эзләү әһәмиятен генә ассызыкларга теләдек.
9:00–21:00
Керү ирекле
Пушкина ур., 86,
MOÑ
Спикерлар:
Зөлфия Илкаева, куратор, рәссам (Казан, Татарстан Республикасы)
Полина Серафимова, рәссам (Чабаксар, Чуваш Республикасы)
Радик Мусин, рәссам (Бурай, Башкортостан Республикасы)
15:00–15:40
17:00–17:40
Керү теркәлү буенча
12+
Куратор — Зөлфия Илкаева
Координатор — Алёна Батулла
Тәрҗемәче — Йолдыз Миңнуллина
Иҗатында Зөлфия милли калыпларны һәм шәһәрләргә хас җәмгыять калыпларын, шул калыпта оешкан күзаллауларны өйрәнә, мәдәни тарих һәм катлаулы мирасның аерым кеше күңелендә чагылышын тикшерә. Иҗат алымнарына килгәндә, инсталляцияләр кора, фотография, видео-арт һәм башка медиа чараларга мөрәҗәгать итә.
1997 елда Яр Чаллы шәһәрендә (Татарстан) туган. Казанда яши.
Иҗатында Ульяна глобальләштерү чорында үз йөзеңне эзләү мәсьәләсенә кагыла. Төрле медиа чаралар (видео-арт, объект, графика, фотография) ярдәмендә Рус Төньягы фольклорын бүгенге көнгә яраклаштыру һәм постфольклор нигезендә эчке мифология тудыра. Ульяна проектларында очрый торган төп персонажларның берсе – Гертруда Свирепая (Gertrude Rude/Каты куллы Гертруда), тормыш кыенлыкларын алты метрлы элмәкле аркан – үз толымы ярдәмендә хәл итә торган рус Wonder Womanы.
Чувашстан рәссамы, графика, коллаж һәм сүз үлчәмнәре белән эш итә, текстлар һәм шигырьләр чигә. Гараж музее сәнгать резиденциясе катнашучысы.
Башкортостан Республикасы Борай авылында туып үскән, Уфа сәнгать училищесын тәмамлап, Заһир Исмәгыйлев исемендәге Уфа сәнгать академиясендә белем алган.
2016-2017 елларда Санкт-Петербургта «Ретроспектива брендреализма Сергея Шнурова» күргәзмәсен әзерли: күргәзмәнең мәсләген билгели, экспонатлар, картиналар ясый.
Хәзерге вакытта рәссамлык белән көн күрә, Мәскәүдә яши.
«Эмноюмно» («Илаһи эликсир») иҗат төркеме, Удмуртия, Ижау шәһәре.
Ике перформер – Кучыран Юри белән Жон-Жон Сандырны берләштергән бу төркем 2010 елның маенда оеша. Рәссамнар чынбарлыкка тәңгәл перфоманслары һәм видеоәсәрләре аша тылсымлы милли мифның шифалы йогынтысы турында тирәнтен уйланалар. Төркемнең төп максаты – милли миф һәм фин-угор мифлары нигезендә аерым кеше һәм милләт тормышына ишарә булырдай мифология тудыру.