«рохинджа»
спектакль-инсталляция*

туфан имамeтдинов

60 минут

18+ | рус, тат

«рохинджа»
спектакль-инсталляция* |
туфан имаметдинов |
60 минут | 18+ | рус, тат
*Спектакльне карау өчен смартфон һәм колакчыннар кирәк булачак.
проект турында
Рохинджа халкын эзәрлекләү турындагы хатирәләрдән төзелгән спекталь-инсталляция. Кешеләрне карашлары өчен эзәрлекләү ни сәбәпле ХХI гасырда да дәвам итә — авторлар шул хакта уйлана. Җәмгыять ХХ гасырда узган фаҗигаләр тәҗрибәсе бүгенге кеше хәтерендә ни өчен җуелган, сакланып калмаган? Әлеге мәсьәләләр — безнең заманның сыкрану ноктасы.
Төркем максаты — дини, милли, сәяси, раса һәм иҗтимагый аермалыклары өчен кабул итмәү, аңламау, җәберләүләргә дучар ителгән төрле халыклар, илләр һәм кыйтгалар тәҗрибәсе турында спектакль иҗат итү. Көч куллану, мәрхәмәтсезлек, салкын йөрәклелектән “дәвалау чарасы” була алырлык проект тудыру.
Авырлы хатыннарга карарга киңәш ителми. 18 яше тулмаганнарга керү катгый рәвештә тыела.

Спектакльдә катнашу өчен үзегез белән смартфон һәм колакчыннар алуыгызны үтенәбез.

Фото — Рамис Назмиев

төзү тарихы
Туфан Имаметдинов иҗат төркеме Рохинджа халкын эзәрлекләү турындагы проект фикере белән янып йөргән көннәрдә бу кешеләр белән күзгә-күз очрашырга, аларны тыңларга, тормыш тарихларын язып алырга кирәклеге ачыкланды. Иҗатчылар Бангладешка — Рохинджа лагерьларына эшлекле сәфәргә әзерләнә башладылар.
Әмма проектның әзерлек вакыты берничә тапкыр кичектерелде, финанслау чыганаклары һәм күләме үзгәрде. Нәтиҗәдә сәфәргә иҗат төркеменең бер генә вәкиле — актер Егор Белов китте.

Егор хис-кичерешләрен теркәп барды. Биш көн — көндәлекнең биш бүлеге. Эчкерсез, чынлыкта ничек булган — шулай.

Көндәлек оригинал текст телендә — русча тәкъдим.
рохинджа белән очрашу.
егор белов көндәлеге
спектакль командасы
Режиссер — Туфан Имамутдинов.
Хореограф — Марсель Нуриев.
Рәссам — Лилия Имамутдинова.
Актерлар: Камил Гатауллин, Илнур Гарифуллин, Эльвина Булатова, Полина Малых, Егор Белов, Гүзәл Валишина
Тәрҗемәче — Миләүшә Гафурова
Администраторлар — Алена Батуллина, Анжелика Фәтхуллина

→ Спектакльнең актык җырын Mohammed Akram башкара
ммч
Массакүләм мәгълүмат чараларында комментлар, мәгълүмати партнерлык, махсус проектлар, интервьюлар сораулары буенча:
Зоя Антонова, zoe.ruter.a@gmail.com, +7 903 340 58 15
мәйданчык һәм билетлар
Спектакль кайда үтә?
Яңа Милли китапханә бинасының икенче катындагы театр мәйданчыгында (бләк бокс). Адресыбыз: Пушкин ур., 86.
Икенче катка менгәч, уңга борылыгыз һәм безнең көмешсыман ишекләрне күрерсез.
“MOÑ театр мәйданчыгы” күрсәткечләре буенча юнәлеш алыгыз.

Сезгә тикле җәмәгать транспортында ничек барып җитәргә?
Безгә иң якын тукталышлар – Гоголь тукталышы (Карл Маркс урамы буенча) һәм Ирек мәйданы.
Җәмәгать транспорты тукталышыннан сезгә 10-15 минут барырга кирәк булачак.

Үз машинамда булсам, аны кая куеп калдырырга була?
Машинагызны китапханәдән бер-ике квартал ераклыгында куеп калдыра аласыз.
Иң якын паркиң – Жуковский урамында (зона #152) һәм Малая Красная урамы, 10 (зона #136).

Сездә җиһазландырылган уңайлы мохит бармы?
Әйе. Китапханә бинасы пандус һәм лифт белән җиһазландырылган. Кирәк булса дип администратор телефонын калдырабыз +7 917 245 44 87.

Буфетыгыз бармы?
Китапханә бинасында кәһвәханә эшли. Анда спектакльдән соң дуслар белән очрашып, күргәннәр турында рәхәтләнеп әңгәмә корып утырып була.

Мин билетны онлайн сатып алдым. Аны чыгартырга кирәкме?
Мәҗбүри түгел. Электрон версиясен генә күрсәтсәгез дә була.

Билетларны тамаша көнендә алып буламы?
Тамаша көнендә билетлар әле калган булса, аларны Китапханәнең офлайн кассасында сатып алып була. Зинһар, +7 917 245 44 87 номерын җыеп, барлык-юклыкларын белешегез.

Соңга калам. Нишлим икән?
Вакытыгызны алдан чамалап, соңармыйча килүегезне үтенеп сорыйбыз. Зинһар, билетта күрсәтелгән вакыттан 10 минут алдан булса да килегез. Иртәрәк килсәгез, тагын да әйбәтрәк – Китапханәдә вакытыгызны үткәрергә һичшиксез эш табылыр.
Кызганыч, спектакль башлангач, керү мөмкин түгел.
Соңга калсагыз, билетларыгызны кире кайтара яисә алмаштыра алмаячаксыз.

Билетымны кире тапшыра аламмы?
Әлбәттә. Әгәр билетны онлайн алган булсагыз, кире кайтаруны эшләп була, аның өчен email’ыгызга килгән электрон билеттагы төймәгә басарга кирәк.
Кассада алынган билетларны кире кайтару өчен, зинһар, администраторыбызга шалтратыгыз +7 917 245 44 87.
Tilda Publishing
хатлар таратуыбызга язылыгыз
e-mail
исемегез
Tilda Publishing
Tilda Publishing