ДусТуган кичендә ZAKARIA фолк-төркеме татар халкының төрле этник төркемнәре: Пермь, Себер, Ырынбур (Оренбург), Әстерхан татарлары, мишәр, керәшен җырларын башкарачак.

Композицияләрне иҗат иткәндә солисткалар фольклор-этнографик экспедицияләр вакытында үзләре җыйган язмалардан һәм Н.Г.Җиһанов исемендәге Казан дәүләт консерваториясе фондларыннан алынган сирәк материаллардан файдалана.

Җырлар барлык диалекталь үзенчәлекләре сакланган килеш заманча эшкәртелештә башкарыла.

Әлеге вакыйга «Кич» перфоманслар сериясенең чираттагы чарасы.


1 сәгать, 12+